Hadien wa lai booh dorkhat ka seiñ JYF East Jaiñtia Hills ha u Border Area Development Officer ka East Jaiñtia Hills District, neiliang ka seiñ da phylla ko wa i kaam namo i Post wa jooh em uwa kreh waroh chi kattu ym em wakreh de itæ toh yei kaam Junior Engineer wei khlem uni ym ye wow chna ya ki bui wa emkaam heiyatoh waka mang poisa neibynta ki chnong wa haap hapoh ka Border Area.
Khlem u Junior Engineer da chem chitom leh wow pyndep ya kiwon kiwon ki kaam neibhah wym em wa pynkhreh katwon emkaam i lut i sep.
U sahep kani ka chnat da pyntip u leh wym em Junior Engineer kattu la chi snem, kamtæ neiliang ka seiñ da lai yachem ko wa u Deputy Commissioner ka East Jaiñtia Hills yow pynsñiaw yeini i chem chitom ka thaaiñ khappood kiwa toh u yoh yarap naka yung krehkaam u Border Area Development Officer khnang wow yoh yei roi i paar.
Ka seiñ da kyntu joor ko leh yaka sorkar hapoh i yahkhmat u Conrad K Sangma wow chimkhia hajrong ini i kaam wei kamjooh leh ya kiwa mihkhmat yong ka Sutnga Saipung Constituency wa Khliehriat Constituency khnang wa ki paidbah u yoh sakhiat ki yei hok yong ki.
Discussion about this post