Ka Santa Mary Shylla kawa man ka MLA ka Sutnga Saipung ynne da thoh ko cha u Montri Rangbah wow chimkhia yei man i long u sarokbah NH6 na Mynkre cha Malidor, East Jaiñtia Hills.
Ka MLA da sñiawkhia ko yeiwa sih uni u sarok wa da chna da ka NHAI iwa booh leh hei maa ya ki paidbah neibhah uni u sarok da dap sa du ki thlu donhi kattu da boon snem wei i oor khyndaw ha Sonapur Tunnel da man i iwa eh bha ya kiwa lai wa wan.
Chooh chooh da ong ko wow emkaam wow chna thymme biang ya u sarok khnang wow lait na iwon iwon i jia wa sñiawsih neibhah du i pyndap khyndaw ym em yarap iyi iyi wei kamwa da yoo hi da yoo lakam wym em chimkhia ka NHAI wow e ya u sarok wa biang ya ki paidbah kiwa da maham wow khang syndon ya uni u sarok.
Ka Santa da yachem ko leh ya u Symbood Montri Rangbah, u P. Tynsong uwa man leh u Montri ka chnat PWD (Roads) wow chimkhia u yeini wei da pyntip u wa da khut u ya u NHAI Regional Officer ha ka 2 tarik u Naisaphra heiyatoh wa ini i kaam heiwa da dawa ko wow leh smat yei kaam.
Heijooh i por da tyrwa ko ya u Montri Rangbah wa ka Montri ka chnat i chait i khiah, ka M. Ampareen Lyngdoh wow pynku kyrdan ya ka Umkiang PHC cha ka CHC, wow wai ya ka PHC ha Sumer Sirdarship kamjooh leh ya Health Sub-Centre ha Hingaria.
Discussion about this post