Dawa ka KAS wow tipmit noh ya ka ktien Khasi kam ka Official Language ka Meghalaya

Ka Khasi Authors’ Society (KAS) ynne da dawa ko na ka sorkar jylla wa toh u tipmit noh ya ka ktien Khasi kam ka ktien sorkar namo ka ‘Official Language’ yong ka jylla, heiwa da lai e ki leh ya ka dorkhat ha u Montri Rangbah ka jylla, u Conrad Kongal Sangma heiwa da yachem wa oo ha ka kamra krehkaam u.

U President ka KAS, u Dr. DRL Nonglait da ong u wa ka KAS da dawa ko na ka sorkar jylla wa toh u tipmit noh ya ka ktien Khasi kam ka Official Language yong ka jylla, deiwa wanrah yei pynkylla ha ka Meghalaya Language Act, 2005, neibhah kamwa man katni ka ktien Khasi toh ka Associate Official Language ha ka jylla katwa ka Official Language da pynman ya ka ktien English kawa man ka ktien yong kiwi.

Kawi won ka phang wa ka KAS da yaklam ko wa u Montri Rangbah toh hajrong i tipmit noh ya ka ktien Khasi hapoh ka 8^th Schedule yong ka riti synchaar ka ri.

U Dr. Nonglait da khana u wa ka KAS da pynsñiaw ko ha ka sorkar yei yakhih wa da pynman ha Delhi, wei da dawa leh na u Montri Rangbah wow pynsawa yei jooh ha ka sorkar India, itæ yow wanrah da ka Bill ha ka sien chong Parliament kawa daw man noh kamwa da dawa da ka KAS.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Hawa yatoh wa ka Official Language, uwa yahkhmat ka KAS da khana u wa u Montri Rangbah da kular u wa ka sorkar daw pait bniah ko ya ini i dawa wei daw phah ya ka chnat kawa toh u pait yeini yow leh ko yeiwa emkaam.

Heiyatoh won wa i dawa wow tipmit noh ya ka ktien Khasi, u Conrad da kular u wow phah noh dei thoh cha ka sorkar pyrdi ha kani ka tayaaw wow wan.