15 49.0138 8.38624 1 0 4000 1 https://wyrta.com 300 0

Dawa ka KHADC na ka sorkar wow pyndam noh yei kær naar-chieh ya u pood wa ka ri Bangladesh

0 Comments
Advertisement ad1

Shillong: Ka Khasi Hills Autonomous District Council (KHADC) da dawa ko naka sorkar jylla wow dam noh yei kær naar-chieh ya u pood ka India waka Bagladesh hapoh East Khasi Hills District.

Hawa yaklam wa kiwa pathai khubor ynne ka sngi u CEM ka KHADC u HS Shylla da ong u, “U thoh i cha ka Deputy Commissioner ka East Khasi Hills District mynstep yow phah ya ka wow dam ko u chna ya ki kær pood.”

Advertisement ad1

U CEM da ong u wa ini i kreh ya i kær pood da leh khlem yohbor namo ka NOC naka KHADC.

“Lada ka sorkar ym ye ko u dam yeini i kreh kær pood, bha wow pyndam wei wow pynwiar noh ya ka District Council,” da klam chrai u Shylla.

Da pyntip wa heipor wa pynman ya ka sylli lang ka KHADC deilang wa kiwa yahkhmat ka CCIB, ki waheh chnong, ki tre thaw wa kiwi na Lyngkhat hadooh cha Dawki, da chem wa ki hok yong ki bru da sah ha ki chnong wa chah ktah da tympra ka sorkar ki.

U Shylla da beiñ joor u ya montri rangbah warim u Dr. Mukul Sangma, u Deputy Chief Minister u Prestone Tynsong wa u Education Minister u Lahkmen Rymbui kiwa da man kiwa synraan ya u Prime Minister warim u Manmohan Singh yow soi ya ka soskular Land Boundary Agreement ha ka 06-09-2011.

“I soi ya kani ka soskular man ko kawa doohnong chiboon ya ka jylla Meghalaya heiyatoh wa u pood,” da ong u Shylla wei da khuslai u leh wa ka yingkeiñ Dawki daw ye ko u haap chapoh Bangladesh lada chah u pteiñ ya ini i kær pood.

U KHADC da kylli u leh na iyi i daw wa ka sorkar jylla jhan sang ko wow pyndep ya ini i kær pood.

Advertisement ad1

0 Comments

Leave a Reply