Dawa ka KJYSU na ka sorkar wow pyrchah yeiwa pynkylla ya ka Forest Act wa i pynyaar yei bor ki BSF hapoh Meghalaya

Ka seiñ Khasi Jaintia Youth & Student Union (KJYSU) da phah dorkhat ko cha u Lat ka jylla lyngba u DC ka West Jaiñtia Hills District heiyatoh wa ka aiñ Forest (Conservation) Amendment Act, 2023 kawa da pynlait yeiwa emkaam u yoh Forest Clearance neibynta ki thaw wa jngai 100 Km na ki pood wa kiwi ki ri lada pynkrehkaam ya ki jait kreh wa emkaam neibynta ka ri.

Ka seiñ da ong ko wa ini daw ktah bha ko ya ka Meghalaya kawa em pood wa ka Bangladesh wei man ko leh pyrchah ya ka 6^th Schedule neibhah ha Meghalaya ki khloo ki kjam toh kiwa mantre da ki District Council wa ki Dorbar Chnong.

Lada lai katkam kani ka aiñ daw knieh leh yei bor ki Autonomous District Council wa da e hapoh ka Para 3(1)(b) ka 6^th Schedule heiwa ka seiñ da kdaw ko leh wa kiwi ki jylla ka Northeast kam ka Mizoram wa Nagaland da pyrchah ki ya kani tangwa ka sorkar Meghalaya won ym em pyrchah ko.

Sa iwi won toh ka BSF Jurisdiction Notification kawa da pynmih ha ka 11-10-21 heiwa ka Ministry of Home Affairs da pynyaar ko yei thaw krehkaam ka BSF na ka 15 Km cha waroh kawi ka Meghalaya yow kynreh wei kem bru hapoh ka aiñ CrPC, Passport Act wa ka NDPS Act heiwa ini da man ko leh wow knieh yei bor ki pulit ka jylla wa ki dorbar chnong.

Related posts

Pyndep ki 34 ngut ya ka Training man Security Guard na ka MPSS Security Agency Training Center Thadmuthlong

November 13, 2026

Dei pynkup burom ya ki khynnah wa lehbha hei puræ puthi, ki Sports wa kiwi de ha ka lehkmen Children’s Day

November 13, 2026

Da e nongmuna leh wa i kær pood ha West Jaiñtia wa East Jaiñtia Hills heiwa ki khloo wa mantre da ki chnong da chah knieh ki khlem da yohbor hapoh ka aiñ Forest Rights Act, 2006 wei khlem da su leh ya ka bai thaw.

Kamtæ da dawa na ka sorkar Meghalaya wow wanrah ko da ka Resolution hapoh ka Meghalaya Legislative Assembly yow dawa pynlait ya ka Meghalaya na ka aiñ Forest (Conservation) Amendment Act, 2023 kamwa da leh ha Mizoram.

Da dawa leh wa kiwon kiwon ki thaw wa man khloo ymtoh u e cha ka BSF lane ki Central Project khlem da yoh NOC da ki District Council wa em hapoh ka jylla kamjooh khlem da tip chwa kiwa chong chnong.

Lada em iwon iwon i kær pood ka BSF hap wow pynman ya ka Public Hearing deiwa pynemkaam da ki jait ktien Khasi/Pnar kamjooh wow su ka bai thaw deiwa e leh 10% ka poisa cha ki chnong wa chah ktah.

Khaddooh da dawa wa i bor krehkaam ki BSF toh u pynman biang hapoh 15 Km ha Meghalaya kam nachwa.