Pyndep ki 34 ngut ya ka Training man Security Guard na ka MPSS Security Agency Training Center Thadmuthlong

Ki 34 ngut kiwa kynthup ya ki 22 ngut ki chynrang wa 12 ngut ki kynthai da pyndep ya ka chah sikai wa 45 sngi yong ka 16th Batch yow man kam ki Security Guard wa da pynman da ka MPSS-Security Agency Training Center kaw em ha Thadmuthlong-C (Phramer), West Jaiñtia Hills District kawa man leh kam ka thaw e sikai kawa da tipmit da ka Home (Police) Department ka sorkar jylla.

Ya kiwa da pyndep ya ka Training da pynkup burom ha ka 11 tarik uni u bnai deiwa pynman ya ka Passing Out Parade heiwa u MLA ka Umroi, u Damanbait Lamare da man u kam u kongsan deiwa emlang u Nominated MDC ka JHADC, u Octamewot Lamin kam u symbood kongsan, u Tbn F. Kya wa kiwi de kiwa chah khut sñiawbha deilang ki bei ki pa wa kiwa ha-yung ha-sem kiwa da pyndep yei chah sikai.

Yei pynsmai ya kini ki khynroo khyllood da pyndep da u P. Muksor uwa man u Managing Director ka MPSS.

U kongsan hawa klam da e u yei yaroh ya u P. Muksor uwa da em yei mynsien wow yahluti ya ki khon khynroo khyllood yow yoh ki ka laad yoh kaam ha kini ki por wa chitom u yoh kreh wei da niar u chem bru kam u P. Muksor wow seiñ kam kani ka thaw e Training ka wow pynyoh kreh.

Da kyntu u leh ya kiwa da pyndep yei chah sikai wow man kiwa emburom wei em akor kamjooh wow man kiwa yaichah wei wow pynemkaam hok yeiwa da yoh ki na kani ka thaw.

U P. Muksor da ong u wa kani ka Training man ko kam iwa sdang donhi wow yoh kaam kam ki Security Guard heiwa ka Certificate wa yoh ki daw pynsuk ko ya ki wow yoh yei tipmit ha ki thaw thooh kreh.

Related posts

Dei pynkup burom ya ki khynnah wa lehbha hei puræ puthi, ki Sports wa kiwi de ha ka lehkmen Children’s Day

November 13, 2026

Soi soskular ka IHCL yow chna ya ka Taj Resort wa 140 kamra haroood ka Umiam

November 13, 2026

Da ong u leh wa ki thaw yoh kreh man ko kam ha ki Cement Factory kiwa em boontylli ha Jaiñtia Hills neibhah kamwa man kattæ da pynemkaam ki da ki bru kiwa na baar ka jylla, kamtæ da emkaam ki bru napoh ka jylla yong i kiwa ye wow leh ya ini i kaam.

Chooh chooh da ong u wa ki kreh Security Guard leh emkaam ki ha ki Office, ki Hospital wa kiwi de ki thaw.

Kiwi de kiwa klam ha kani ka yalang da e mynsien chooh chooh ki ya u P. Muksor wow nang lai u chakhmat ha kani ka kaam wei wow e sikai deiwa rap bha chooh chooh sam chakhmat.