15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ka KSU na ka sorkar wow leh yeiwa emkaam wow wanrah biang yei chongsuk ha Shillong

0 Comments
Advertisement ad1

Jowai: Ka KSU da thoh ko cha u montri rangbah ka jylla u Conrad K Sangma wow beiñ yei chah dat ki le ngut ki khynnah Khasi ha kiwa chong wa sah ha ka Harijan Colony iwa da wanrah yei awri awra wa joor bha deiwa ong wa ini ymtoh i sien wa nyngkong wa chah tba kti ki Khasi iwa pynyoo wa em i choon jaitbru kini kiwa sah ha Harijan Colony.

Ka seiñ da ong ko wa ka thaiñ Mawlonghat iwa em ka Harijan Colony toh i thaw yong yaaw wei kini kiwa sah heini da leh ki pyrchah ya ka aiñ tangwa ki sorkar wa da lai ym em wa ye u kyrriah ya kini ki bru hadooh katni leh.

Iwa jia ha ka 31 tarik u bnai wa dadep da pynyoo yei wym tieñ kini kiwa sah ha Harijan Colony ya ka aiñ wei i dat ki dei thmu wow tynyap syndon ya kini ki le ngut kamtæ ka seiñ da ong ko wa emkaam wow pynchitom da ki kyndon aiñ wa khor bha.

I mih i awri awra da wanrah ko yei mynsoo kiwa boon ngut ki khynnah khynroo Khasi wei da chah kem leh kiwa boon ngut wei ka seiñ da dawa ko wow pynlait noh ya ki.

Kamtæ ka seiñ da dawa ko naka sorkar wow leh yeiwa emkaam yow wanrah biang yei chongsuk chongsuk chongsaiñ hapoh Shillong.

Share this:
Previous

Pynkup burom ka C&YC Namdong–A ya ki ar ngut ki doctor kiwa da esikai kammon wow sumaar da ki dawai kynbat

Next

Kyntu ka HSPDP ya ka sorkar wow pynyinsur ya ka Curfew wow dam u ktah ya ka pliang-ja ki paidbah