15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkup burom ka C&YC Namdong–A ya ki ar ngut ki doctor kiwa da esikai kammon wow sumaar da ki dawai kynbat

0 Comments
Advertisement ad1
Advertisement ad1

Jowai: Ka Children & Youth Club Namdong–A kawi na ki dhab kreh monsñiawbha ka chnong ha i lai luti wa chi snem pura yong ka ha 27 Naisan da pynkup burom ko ya ki ar ngut ki doctor ka chnong kiwa da esikai ya ki dkhot ka dhab kammon wow e ya ki dawai kynbat cha kiwa kjut wa chitom kawa ki waheh em ki ka sap wa kyrpang iwa ye u pynchait ya ki bru du da ki phlang kynbat. Kini ki rangbah da yoh ki ya kani ka laad wow hikai ya kini ki khynnah la chi snem pura, katkam ka khubor wa da phah da u Vice President ka seiñ u M. Sungoh da ong wa da yoh chiboon ki hikai na kini ki waheh chaphang ki dawai kynbat waphær waphær wa kammon u pynemkaam ya ki.

Ha kani ka pynkup burom da emlang u Waheh Chnong ka Namdong–A u Dawan Lyngdoh ha i klam da yaroh u ya kini ki waheh wow mih chaphrang wow esikai ya kini ki khynnah ka chnong ki wa boon walang kiwa em kani ka sap ym jooh e ki wow hiar pateiñ i neibhah lada esikai cha kiwi ye ki u dooh tangwa katkam wa chem kani ym man ko kamtæ ka esikai wow yoh pateiñ ya kani ka e dawai kynbat man ko i kyrkhu ya ka pateiñ wa dang wan yong i kammon u pynneh pynsah ya ki phlang ki kynbat kiwa yarap ya i wow sumaar ya kiwa chitom.

Advertisement ad1

Da yoh leh i klam na u Paulus Lamare uwi na kini ki Doctor da ong u wa smat u wow e ya iwa em ha oo wei wa tip u neibynta yong phi ki khon khynroo ka chnong heiyatoh wa ini i e dawai da ki kynbat kamwa da sdang katni kawa da dep pynyoo ya kiwa boon ki kynbat kiwa ye wow pynemkaam ha i e dawai.

Chwa wow pynkut ya kani ka leh burom da yoh ya ki kyntien e khublei na ka Secretary yong ka C&YC ka P. Sumer, kani man ko katkam wa phah da u M. Sungoh, Vice President ka C&YC Namdong – A.

Share this:
Previous

Dawa ka KSU-Banglaore Unit wow kyrriah noh ya ki bru wa sah ha Themmator

Next

Dawa ka KSU na ka sorkar wow leh yeiwa emkaam wow wanrah biang yei chongsuk ha Shillong