Ka Khasi Student Union-Nartiang Circle da pynsñiaw ko yei sñiawkhia hajrong i chna ka sorkar Assam yaka Police Outpost ha chnong Saba West Jaiñtia Hill wei da man ko iwa sñiawsih wa khroo wow yoo yei leh beinah ka sorkar MDA yaki paidbah ka thaaiñ khappood yong ka Bri u Ynñiawtrep najrong wa chah baam ki thaw ki bhaw ki paradoh parasnam, da maad ki leh yei chah dat chah bom haki Karbi.
“Ileh wa kani ka sorkar Meghalaya chah jem ko cha wa palat,” da kylli u Chanbor War, General Secretary ka KSU-Nartiang Circle.
Neiliang yong ka KSU Nartiang Circle da dawa wei ban joor ko yaka sorkar MDA hapoh i yahkhmat u Conrad K Sangma wow tuklar wei wow pynsangeh syndon ya itai i chna ya ka Police Outpost ka sorkar Assam ha ka chnong Saba wei lada ka sorkar ym chimkhia ko hajrong ini, ka seiñ ym yohsa ko wow chim da kiwi won ki luti neibynta wow yada ya ki paradoh parasnam katai ka thaaiñ wei ka sorkar toh u em ko yei kitkhlieh.
Ka kyrwoh khubor wa phah da u Juhhi Tariang, Publicity Secretary KSU Nartiang Circle.