Dawa ka KSU wow khang ya ka karkhana Coke wa em ha Datsimpeiñ

Ka KSU Wapung Unit ha ka 21 tarik uni u bnai lyngba ka Environment Cell da lai yachem ki wa u Deputy Commissioner ka East Jaiñtia Hills District yow dawa khang khyrdep ya kawi ka karkhana Coke wa pyrtuid M/s Abhi Coke kawa em ha Datsimpeiñ.

I daw wa pynman ya ka seiñ wow lai ujor cha u DC toh hajrong ka yurim wa da chna pyrchah ya ka aiñ wei khlem da bood kyndon katkam wa booh da ka Meghalaya State Pollution Control Board neibhah ya ki karkhana Coke hap ki wow jngai 1 Km naka thaw sah ki bru næ ki skur wa Hospital.

Katkam i yoo wei chem yong ka seiñ, kani ka Abhi Coke ym em jngai ko 1 Km na National Highway-06 wa ka chnong Mokhep, Ladrymbai wa na kawi ka skur katæ ka Good Shepherd Secondary School kawa em ha Ladrymbai.

Da ong leh wa i mih tdem, i jakhlai wa i sma tung na kani ka karkhana Coke da ktah i yei chait i khiah ki paidbah wa lai wa yieñ wa kiwa chong chnong kiwa em chajan kani ka karkhana.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang yong u DC da ong u wa ym ye u leh iyi iyi hajrong ini neibhah kani ka karkhana Coke da yoh bor ko na ki chnat sorkar kiwa da em rap hajrong yong oo wei u DC da kular u wow yaklam wa ki bor wa haneiñ næ waka Meghalaya State Pollution Control Board yow leh ko katkam ki kyndon.