Ka Meghalaya Tribal Teachers Association-NEHU (MeTTA-NEHU) haka yalang ka Executive Committee yong ka kawa pynman haka 14 tarik uni u bnai da e ki yaka kyrchaan wa pura ya iwa yaleh ka Joint Action Committee ka NEHU wa kynthup yaka NEHUTA, NEHUNSA waka NEHUSU yow pyrchah yei wow pteiñ u Prof. S.K. Srivastava kam u Vice Chancellor ka NEHU.
Ka MeTTA-NEHU e ko leh yei kyrchaan manda emkaam wow pynman yaki yakhih heiyatoh wa kani ka kaam.
Chooh chooh da chim yaka rai wa neidaw i krehkaam u Prof. Srivastava ym em man ko iwa hun, i wym em i pyrkhat yei bha i miat ka NEHU nadooh wow pynku yaki kaam puræ puthi deilang yaka imlang sahlang khamtam wow yada yaki aiñ ka NEHU deiwa bood katkam wa da thmu hawa thoh wa chna yaki, kamtæ ka Association leh da dawa ko wow hiar chuki noh syndon u VC ka NEHU.
Ka MeTTA-NEHU Executive Committee da ban joor ko wa pyrchah ko ya iwon iwon i thmu wow pteiñ biang u VC wa katni kawa toh u kut haka 23 tarik uni u bnai.