Ynne ka sngi ki sahep na ka JHADC wa kynthup ya ka Deputy Secretary, ka E Shylla wa kiwi ki wakreh ka Council, hei emlang u EAC ka West Jaiñtia Hills, u MA Challam wa ki pulit da lai khang ki ya ka dukan VMart kawa em ha Ladthadlaboh, Jowai.
Ini i khang da man i hadien wa kani ka dukan da wai ya ka khlem yohbor namo khlem ka NOC na ka Council.
Hawa yaklam wa ka sahep E. Shylla ha kamra krehkaam yong ka da ong ko wa ya ini da leh toh wa kani ka dukan da wai ko khlem yoh NOC wei kani ka NOC emkaam wow su ka dukan kamwa T. 2 lak wei emkaam leh wow pynthymme ya ka man u snem.
Ha kani ka VMart da em 23 ngut ki wakreh kiwa na ri-loom Jaiñtia wei kini ki wakreh da diaw mynsien ki yeini i wan khang ka Council ya kani ka dukan.
Heijooh i por da kyntu ko leh ya kiwi ki dukan wow wan pynthymme ki ya ki NOC yong ki man u snem khnang yow lait ko u khia ya kini ki dukan hadien.