Ka seiñ kiwa kreh Casual wa Contractual ka chnat bordiñ ka jylla hapoh ka lama ka MeECL Progressive Workers Union (MePWU) ynnin ka sngi da yachem ko ya u montri ka chnat Labour ka jylla, u Sanbor Shullai heiwa da booh ko ya ki kattu katni ki dawa na ka sorkar.
Ka seiñ da dawa ko wow pynku ya ka nongsngi (Wages) ar sien chi snem, itæ ha ka tayaw wa nyngkong u Wisu (March) wa Naikhynde (September) wei wow pynbna paidbah wei wow phah yutip cha waroh ki chnat sorkar hajrong ini.
Da dawa leh wow kynthup ya u President/General Secretary ka Union kam ki Dkhot ka Minimum Wages State Advisory Board.
Heijooh i por ka seiñ da dawa ko leh wow pynku ya ka nongsngi yong ki nadooh ka 1 Naichiphaw 2022 cha ka T. 510 neibynta ki kyrdan Unskilled, T. 580 neibynta ki Semi Skilled, T. 650 neibynta ki Skilled wa T. 720 ya ki Highly Skilled.
