Ynnin heipor 6:00 waje i step kawi ka kari kawa lai yaw da lait ko u haap ha ka thaw wa dang sdang chna ya i kynroh (Retaining Wall) ha u sarok Sarok Rymbai Bataw Borghat.
Neiliang ka seiñ SBYWA da ong ko wa ha ini i thaw da thmu wow thap Pipe ha Neiñchnong Pynurkba, East Jaiñtia Hills yong uni u sarok wei i daw wym em biang i rukom pynlai ya ka luti u lai ki kari, da em noh i sah Block ynnin hadooh 4 kynta tam nadooh 6:00 waje i step.
Ka seiñ da ong ko leh wa ini i sah block toh du neidaw i khalær kiwa pynkreh (Contractor) ya kani ka kynroh heiwa wot ka kari kit bru wa kjut (Ambulance) da sah ko slem bha ha ini i jia.
Neiliang u S Shadap, President ka SBYWA, da beiñ joor u ya ini i rukom leh yong kiwa pynkreh ya i kynrooh neibhah ym em biang i rukom pynlai (Planning) ki.
Ka seiñ da dawa ko ya ka PWD-Khliehriat wow pyndam chwa u lai ki kari kiwa heh na uni u sarok katwa ympu dep i kreh.
