15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kyrmen wa hapoh ar tayaw daw ye u pynboon ya i chondur Aadhaar: DC

Advertisement ad1
Advertisement ad1

Hadien wa mih ka khubor wa da ki phaw ngut ki bru yang ki hadooh 2-3 sngi wow chondur Aadhaar ha Jowai, neiliang u Deputy Commissioner ka West Jaiñtia Hills, u Garod LNS Dykes da khut yalang u ya ki Agency wa chondur Aadhaar ha Jowai kiwa kynthup ya kiwa em ha Post Office Jowai wa SBI, Jowai.

U DC da maham u ya kini ki ar tylli ki Agency wa lada ym bood ki ya ki SOP namo ki kyndon sorkar heiyatoh wa u COVID-19, neiliang ki bor District daw haap khang ki ya kini ki ar thaw.

Chooh chooh da pyntip u wa ha yung krehkaam u DC ka District da chon hadooh kamwa 40 ngut ha ka chi sngi katwa ha kiwi ki Block ka District da chon katwa ye i bor yong ki wei em wa poi hadooh 60 ngut chi sngi.

Da pyntip u leh wa da em ki bru kiwa da chah hikai (Trained Operator) hapoh ka District wei da kyrmen u leh wa deiwa da thoh cha ka sorkar wow ekti chooh ya ki kor (Machine) wei manda yoh ya ki daw ye u pynku ya i bor wow pyndep u chondur hapoh District.

Chooh chooh da pyntip u leh wa da kyrmen wa daw yoh ya kini ki kor ha ki ar tayaw wow wan.

Share this:
Previous

Dawa ka SBYWA wow khang chwa yei lai ki kari heh na sarok Rymbai Bataw Borghat

Next

E khublei u Modi ya ki bru yalehke Sports ka ri ha ka National Sports Day