Ka Seng Samla Hima Langrin hadien wa ki pulit da kem ki ya ki 8 ngut kiwa suba emkti wow dat ya ki khynroo na Wahkaji, ynne ka sngi da dawa ki na ki pulit wow khana ya i pyrtuid wei wow pynyoo ya i dur kini kiwa chah kem.
U President ka Seng Samla, u PS Lyngdoh ryngkat wa ki para dkhot ynne ka sngi da lai booh ki yei dawa ha yung krehkaam u Superintendent of Police ka East Khasi Hills, kamwa da leh ha kiwi ki kaam wow pynmih ya i pyrtuid ki bru kiwa emkti ha ki kaam damok.
Heijooh i por u Lyngdoh da e yaroh u leh ya ka chnat pulit kawa da kreh chitom wow kdong ya kini ki damok kiwa da chim ya i mynsien uwi u khynroo.
Ki pulit ka East Khasi Hills ynnin ka sngi da pyntip ki wa ka Special Investigation Team (SIT) wa da khlieh da u Superintendent of Police (City) u Vivek Syiem da kem ko ya ki 8 ngut ki bru kiwa da suba ko wa emkti wow dat ya ki khynroo na Wahkaji ha Golflink, Shillong.