theme-sticky-logo-alt
theme-logo-alt
Advertisement ad1
Advertisement ad1

Dawa ka Sur Ki Nong Mawlai wow pynchitom wei beh kreh ya ki pulit wa siat yap u Cherish

Advertisement ad1

Ka Sur ki Nong Mawlai kawa yahkhmat da ki le tylli ki seiñbhalang wa kynthup ya ka KSU, FKJGP wa ka HNYF da dawa ki na ka sorkar wa toh u pynchitom deiwa eh ya ki pulit kiwa emkti wow siat yap ya uwa yahkhmat warim ka HNLC, u Cherish Starfield Thangkhiew ha ka step yong ka 13 tarik u Naisaphra 2021.

Kiwa yahkhmat kani ka kynhun wa kynthup ya u Rapbor Nongrum, Secretary KSU Mawlai, u Khrawkupar Nongsiej, President FKJGP Mawlai wa u Sanbor Rapsang, President HNYF Mawlai da ong ki wa katkam ka Report takit da uwa bichaar uwa da chong ngiah, u Justice T Vaiphei da kdaw che wa ki pulit da pynemkaam bakla ki yei bor heipor wa lai yow kynreh yei yung sah uwa yahkhmat warim ka HNLC, wei ha katai ka Report da kdaw che leh yei wym ler kaam ka chnat Intelligence ki pulit.

Advertisement ad1
Advertisement ad1

Kiwa yahkhmat yong ka Sur Ki Nong Mawlai da pynsñiaw ki yei wym yahaap leh yei klam u Montri Rangbah, u Conrad K Sangma wow paan pynche na ka Tactical Team-1 kawa emkti ha itai i jia, tangwa da ban joor ki wa ka sorkar toh u pynchitom ya kiwa emkti katkam ka aiñ wei toh u beh kreh chwa leh ya kitu kiwa emkti.

Da ong ki wa lada ka sorkar ym ap ko ya ini i dawa wow pynchitom ya ki pulit wa emkti, neiliang ka kynhun daw chong pyrkhat ya ki luti wow chim ki.

Share this:
Previous

Super Division: Jop ka Lumiawmuchai ya ka Sohmynting

Next

U Ramesh Dkhar ym toh uwa chong chnong ka Mihmyntdu