Dawa ka UDP Mowkaiaw Circle wow pynku kyrdan ya ka Laskein Block cha ka Civil Sub-division

Jowai: Katkam ka khubor na u President ka UDP Mowkaiaw Circle, u Eleazer C Dkhar da ong wa da toh hok wow pyntu kyrdan ka sorkar jylla ya ka Laskein Block cha ka kyrdan Civil Sub-division neibhah wa kani ka Block da sdang nadooh u Snem 1973 iwa mut wa da em ko hadooh 45 snem we em ki bru hapoh yong ka hadooh khyndephaw hajar.

“I kam kiwa yahkhmat ka Party da sñiawkhia i ya kani ka Laskein Block kawa da rim bha wow pynku kyrdan ya ka cha ka Sub-Division wei daw khut yalang noh i yong ka Party pyn ha uni u bnai hei wow emlang u MLA ka thaaiñ, u Nujor Sungoh uwa man leh kam u Chairman ka MEDC kamwa da pynkhreh neibynta ka Election MDC 2019 wow sai ya ki kyrtong yong ka Party,” da ong u Dkhar.

Da ong leh wa i pynku kyrdan ya ka Laskein Block cha ka Civil Sub-Division daw yarap bha i ya ki paidbah ha kani ka thaaiñ neibhah wa em boon ki chnong kiwa haap ha khappood wa ka jylla Assam kam ka Khatkasla, Psiar, Mowjem, Mowkroh, Saba wa kiwi kiwi.

Da kyntu ya waroh ki paidbah ha kani ka thaaiñ nadooh kiwa kitkaam chnong wa ki Party waroh kiwa em ha kani ka thaaiñ wow yakrehlang wow mih chakhmat wow dawa na ka sorkar heiyatoh wa ini.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da ong wa da chim ya ka rai ha ka yalang ka Party wa daw wan e dorkhat cha ka sorkar neibynta wow dawa wow pynku kyrdan ya ka Laskein Block cha ka Civil Sub-division.