Dawa ka UDP wow thung da ka takit wa laitlooid hajrong ka MeECL

Ka United Democratic Party (UDP) ynne ka sngi da phah ko dei thoh ko cha u Montri Rangbah, u Conrad Kongal Sangma wow dawa thung da ka takit wa laitlooid hajrong i kynrum kynram wa mih ha ka Meghalaya Energy Corporation Limited (MeECL).

Kam wow kdaw heini, ka UDP lyngba u General Secretary, u Jemino Mawthoh ha u bnai wa dadep da dawa ko wow pynhiar chuki ya u Montri ka chnat bordiñ ka jylla, u James PK Sangma neidaw wa ymye u wow pynbait ya ki kaam wa hapoh ka chnat, ki kaam baam poisa wa ka Load Shedding.

Ynne ka sngi u President ka UDP, u Metbah Lyngdoh da ong u wa hadien wa ka Party da dawa thung ko ya ka takit, i dawa pynhiar chuki ya u James ym em yumut de i neibhah ka Party chaniah ko ya i rai wow dawa thung takit da kawa laitlooid hajrong ki 10 tylli ki mat, ya kiwa da phah cha u Montri Rangbah.

Da ong u wa ka Party hadien wa dep ko wow ya syllok deilang wa waroh kiwa yahkhmat, da chem ya i sñiawthooh bakla hapyrdi kiwa yahkhmat, wei neiliang ki MLA wa kiwa yahkhmat ka Party da rai ki wow chaniah ha oo kam u President wow leh ya iwa emkaam hajrong ka MeECL.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ki 10 tylli ki mat wa ka UDP da dawa takit toh ya i pynkrehkaam ya ka Saubhagya Scheme ya kawa da pynbaad wa da em chwa i doohnong iwa palat T.100 klur nadooh wa khut ya ka Tender, i pyndait ya ki Smart Meter wa i dor wa T.3400, katwa na ka yalang ka Board da kdaw wa man ko hadooh T. 9444.44, i thied ya ki 100 tylli ki Computer wa ki miej chuki ha i dor T.3 lak na ka Enterprise Resources Planning, i thung ya u Manish Gupta kam Adviser u Chairman- Cum- Managing Director ka MeECL wa kiwi ki Adviser ha ka chnat, i thmu wow ekti ya ki 33/11 Kv Sub Station cha ki karkhana samen kiwa na baar jylla iwa da pyrchah da kiwa boon, i e dor kyrpang ya ka bai bordiñ cha ki karkhana ha Byrnihat du T.4.90 chi Unit iwa da wanrah ya i doohnong ya ka MeECL, ka Power Banking wa da pynsangeh noh dang ini iwa da wanrah ya i pyndooh bording neibhah wa ka MeECL ym em thaw de ko wow pynlang ya ka bordiñ, wow takit leh hajrong i chem u CMD ka MeECL wa em i tooh bordiñ ha ki karkhana ha Byrnihat, wa i thung ya u sahep wa dang khynnah kam u Director ka Meghalaya Power Distribution Corporation Limited.