Ka West Jaiñtia Hills District Adventure Sport and Mountaineering Club lyngba uwa seiñ ya kani ka Club, u Sambor Surong da pynsñiaw u yei sñiawsih kamjooh yei beiñ yeiwa jia ya u dkhot ka Club, u Hudderfield Rymbui ha ka 15 tarik uwa da dooh noh yei mynsien u hei ya tyrrah wa kawi ka kari pulit (Police Escort).
U Sambor da ong u wa ini waroh da jia i toh neidaw wa em kani ka “VIP Culture” heiwa da yah kari khlem da pyrkhat de ya kiwi wei kani ka kari wa synraan ya u Montri ka chnat Tourism da yah ya ka heitæ i rukom wym em de i bahkhlieh hadooh wa dooh noh yei mynsien yong u lok uwa yajan wei kam kini ki jait rukom e laad man kyrpang ki heh ki haaiñ ymtoh de wow chah u pteiñ neibhah sa katwon tylli ki mynsien u dooh ei ki.
Kamtæ kam ka Club da dawa ko yei hok neibynta u lok wa maya ki wei ka sorkar leh toh u pyndooh jait noh ko ya kani ka VIP Culture yow lait u em kiwi de wow maad ya kam ini i jooh wa sñiawsih.
Da ong leh wa kam ka imlang sahlang ymtoh u suki hi-eh manda jia kam ini wei toh u yieñ skem wow pyrchah noh ya kani ka VIP Culture.
Discussion about this post