Ka seiñ War Jaintia Students’ Union (WJSU) da lai booh ko dei thoh ha u Jesse Suiam, Executive Member In-charge Trade ka Jaiñtia Hills Autonomous District Council (JHADC) yow booh kawi ka District Council Check Gate ha thaaiñ Dawki ha u sarok NH-206 (Jowai-Dawki Road).
Ka seiñ da ong ko wa ka JHADC toh kawa pait yei thaw i bhaw hapoh ka Sixth Schedule wei katkam ka riti synchaar ka ri ye ko wow booh ya ki District Council Check Gate kamwa da booh ha ki thaaiñ Ratacherra, Sonapur ha u sarok NH-6 kiwa man kam ki thaw psiah thaw mih ki mar ki mata wa ki kari kit mar kiwa psiah wa mih hapoh u pood u ang ka Council.
Kamtæ da ong wa deiwa pait yei ku ka khayi pateiñ hapyrdi ka India wa Bangladesh ha Dawki, ka seiñ da sñiaw emkaam ko wow em ka District Council Check Gate ha ka thaaiñ Dawki.
Deiwa em kani ka Check Gate daw ye wow pait ya ki mar ki mata wa kit wa bah hapoh u pood ka District Council, daw ye leh wow pyntikna ya ki kari wa kit mar kiwa psiah cha Bangladesh lyngba ka Dawki.
Daw pynkhlan leh ya ka khayi pateiñ katkam ka aiñ wei wow yada nei kit pyrchah aiñ ya ki mar ki mata.
Daw ye leh wow yada yeiwa emkaam kiwa chong wa sah ka thaaiñ War Jaiñtia najrong wa pynkhlan wei pynkhooid yei khrong dan hapoh u pood ka District Council.
Kamtæ ka seiñ da ong ko wa deiwa pyrkhat yei man kyrpang ka Dawki kam ka thaw wow khayi cha baar ri, da kyrpaad ya u EM wow chimkhia wow booh ya ka District Council Check Gate ha Dawki (NH-206) neibynta i myntoi ki paidbah hapoh u pood u ang ka Council.
Discussion about this post