Ha iwi na i jia wa phylla ha jylla Andhra Pradesh, ar ngut ki khynroo (kiwa jooh man chi lok dang khynnah), da ya tyrrah ki para kari ha sorbah Vijayawada iwa da pyntieñ ya kiwa em harood sarok ha i miet ka 21 tarik uni u bnai.
Ki pulit ka Patamata da ong ki wa u Lingamaneni Rohit (19) wa u Bolla Om (21) da yachoh ki neidaw kawi ka kynthai heiwa da suba wa da muaid bhang ki heipor wa ya tyrrah ki wei ki pa yong ki toh ki heh spah.
Ini i ya tyrrah toh neidaw kawi ka kynthai na Hyderabad kawa da tipmit ki la kattu katni por.
U Police Inspector ka Patamata, u Pawan Kumar da ong u wa da sdang i kajia ki hadien wa u Om da pynbaad u ya u Rohit deiwa khana ya kani ka kynthai kawa da khana ya u Rohit yeiwa pynbaad u Om ya oo.
Nyngkong u Rohit wa u Om da yakob ki ha WhatsApp wei da rai ki wow yachem ha Hi-Tension (HT) Line Road hei miet ka 21 tarik.
Hadien wa yañia ki, u Rohit wa u Om da sdang ki wow yatyrrah para kari Thar hadooh wa Puncture ka kari u Rohit wei da yut noh u neini i thaw.
Hadien ini u Om wa ki lok u da hiar ki na kari deiwa rah Baseball Bat wa ki naar rod wei da sdang tympiah ki ya ki yit ka kari u Rohit.
U Inspector Pawan Kumar da ong u leh wa mar ya pyntip ki paidbah ka thaaiñ yeiwa jia da lai ki wut wut cha ini i thaw heiwa da kem ya u Om wei hadien won ya u Rohit.
Katkam wa man katni i takit dang lai i chaphrang.
Yeini wa jia ye phi u pait heini ha wah:
Discussion about this post