Ynne ka sngi da pynman ya ka yalang ha Cafe Central, Jowai wa khut da ka Jaiñtia National Council (JNC) wa ka Jaiñtia Students Union (JSU) wow dawa pynneh pynsah wei tipmit ya ki dak thoh Jaiñtia.
Ha kani ka yalang da wan chimbynta da ki bru chemphang, kiwa sikai, kiwa thoh kot kamjooh ki dkhot ki ar seiñ heiwa da pynsñiaw yei emkaam u pynneh ya i ktien thylliej khamtam ki dak thoh.
U Sambormi Lyngdoh, President ka JNC Central Executive Committee, da ong u wa ka yalang da man ko kawa lai bait, wei da yoh chiboon i e buit.
Ka yalang da rai ko wow dawa tipmit yei ktien Jaiñtia hapoh ka Meghalaya State Language Act kamjooh wow pyntikna wa ki dak A-B Jaiñtia Phonetic Alphabet wa pdiang da ka JHADC ha u 2021, u psiah ki ha ka Meghalaya Gazette khlem da pynslem.
U Sambormi Lyngdoh da ong u wa i tipmit ka sorkar yei ktien wa ki dak daw yarap bha ko ya ki paidbah deiwa kyntu wa da toh i por wa ki paidbah u sdang thoh kot ki dei ktien yong i dahi khnang wow myntoi ka pateiñ wow wan wei ini emkaam i wow sdang na yung.
Da pynbna u leh wa ka JNC wa ka JSU daw sdang pynlang ki ya ki kot wa i thoh i tar ha i ktien Jaiñtia khnang wow ye u pynpoor ya ki.
Heijooh i por da kyntu u ya kiwa thoh kot kiwa chem chitom wow pynmih ya ki wow wan cha ki ar seiñ khnang wow ye u yarap ya ki.
Discussion about this post