Jowai: Ki artylli ki Society na ri-loom Jaiñtia wa kynthup yaka Jaiñtia Youth Development Society (JYDS) waka People Welfare and Development Society (PWDS), haka khubor wa da phah, da pynsñiaw ki yei sñiawdiaw hajrong i thmu wow pynman yaka Meghalayan Age Festival ha Lad Mukhla, West Jaiñtia Hills District nadooh ka 7 hadooh 15 tarik uni u bnai neidaw wa u khñiang Coronavirus da poor smat bha u ha kini ki sngi ha kylleiñ ki ri yong ka pyrthai wa hapoh ka ri India leh kamjooh.
Neiliang kiwa yahkhmat kini ki Society da ong ki wa sñiawthooh che wa daw em ki bru ki wow wan na kylleiñ yong ka ri cha kani ka tamasa wei na i tæ i daw kyntu ki yaka sorkar wow pynsangeh.
Ha i jooh i por da kylli wa iya wa ka sorkar lyngba ka chnat wa toh u pait da leh ki neibynta i maa wa yang ya ki paidbah lyngba yong uni u khñiang uwa waroh ki bru haki ri ka pyrthai tieñ ki.
“Ym ye u len wa ha kini ki sngi i poor smat uni u Coronavirus ym toh de kawa ke, kamtæ wow ya lehkmen da iwa ktah yaka yap ka im yong u paidbah ym toh kawa bha, kamtæ da kyrpaad yaka sorkar wow pyrkhat janai bha hajrong ini kat wym pu dær i por,” ong u Damanleki Lathong President JYDS wa u Mutshwa Thabah President PWDS.
Discussion about this post