Ki MDC wa em ha ka Liang Pyrchah ka JHADC wa kynthup ya 8 ngut na ka VPP wa 2 ngut na ka Congress, ynne da dawa ki na u CEM wow pynku ya ka bhah yong ki na Rs. 20 lak samen cha ka Rs. 50 lak samen kam i yabhah Scheme hapoh ka 16th Finance Commission (2026-27).
Da ong ki wa ki kam kiwa em ha ka Liang Pyrchah toh u yoh ki kat jooh katkam wa yoh kiwa em ha ka Liang Synchaar wei i yoh duna ki toh i leh chiliang.
Da kylli wa kammon na ka Rs. 28.5 klur wa da e cha ka JHADC hapoh ka 16th Finance Commission, da e du Rs. 20 lak samen cha kiwa em ha ka Liang Pyrchah katwa ka Rs. 26.50 klur won da booh neibynta kiwa em ha ka Liang Synchaar.
Da ong wa ini mut i wa ki 19 ngut kiwa em ha ka Liang Synchaar da yoh ki kamwa Rs.1.36 klur samen wei ini pynyoo yei yoobeiñ ya kiwa em ha ka Liang Pyrchah kiwa da chah jied ha ki paidbah.
Da e nongmuna leh wa ha KHADC ym em jia kamni heiwa da saam deiwa ya ryngkat ka bhah wei heini da synchaar da ka VPP wei ka khlem em leh chiliang ko.
Kamtæ da ong wym bien de u yaklam yeini lada ym e bhah mar Rs. 50 lak samen cha waroh ki MDC ka JHADC chwa ka 4 tarik uni u bnai lym kamtæ daw chim ki laad ki luti yeini wa chah leh beinah ha ka EC ka JHADC.
Discussion about this post