I chah kawang Petrol Pump ka yung krehkaam ka Meghalaya State Pollution Control Board (MSPCB) iwa da jia ynne, da yoh wow riñ leh lyngba ka CCTV ya kiwa emkti wei ini da jia i heipor kamwa 12:30 wei kani ka thaw toh kawa em ha Lumpyngngad, Shillong.
Heini wa yoh u riñ ka CCTV da yoo yeiwa em 3 ngut ki khynnah khynroo kiwa da wanlang kiwa sap sula rong yong wei da tymmoh ki leh yei dur ki.
Uwi na kini toh uwa rah ya ka Plastic rong yong wei ar ngut da psiah ki chapoh ka pchem ka MSPCB katwa uwi da yang u ha lait ka thaw psiah.
Hadien wa dep kini u kawang ar tylli ki Petrol Bomb, da yut chwa uwa em ha lait wei da yoo won yei mih ki ar ngut deiwa phet na kani ka thaw.
Katkam wa khana kiwa yoo yeini, kini ki le ngut da wan ki da ar tylli ki Scooty ki wym em Number kiwa pynyieñ hajan kani ka thaw. Waroh ini da jia du hapoh 3 minit.
Ini i chah kawang Petrol Bomb da jia i hadien 3 sngi wa ka MSPCB dang dep pynman ko ya ka Public Hearing yong ka Shree Cement Private Limited ha Lum Syrman Elaka Nongkhlieh, East Jaiñtia Hills District.
Discussion about this post