Dawa ki paidbah ka chnong Saipung wow kem ya u Rolingson Dkhar wa ki lok u

Ynne ka sngi kiwa chong chnong ka Saipung, East Jaiñtia Hills da pynman ki ya i yakhih paidbah namo ka Protest Rally heiwa da chimbynta da ki spah ngut ki kynthai wa chynrang khamtam ki manbei manpa. 

Ini i yakhih ki paidbah toh hadien wa mih i awri ha i janmiet ka 17 tarik heiwa u Rollingson Dkhar uwa na chnong Jalaphet, East Jaiñtia wa ki lok yong oo khlem pyntip ya ki bor chnong ka Saipung, da wan ki pynyoo bor ki deiwa jrongkti ya ki bru samen wa kynthup ya u Priceless Darnei uwa na ka chnong Saipung hadooh wa poi cha PHC.

Da ong leh wa da psiah yabor ki ha yung u Lalramzoma Nampui kamjooh ha kamra thaw-thiah wei da syngngait ki yaki Mobile Phone ki tre yung.

Heijooh i por da ong wa da jrong kti ki leh ya kawi ka manbei kawa 50 snem i rta wa ki khon yong ka kiwa em 14-16 snem.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Chooh chooh da ong wa ha ini i por u Rollingson da sai u yaka Pistol yong oo wei da dawa poisa u hadooh Rs. 15 lak hapoh 5 sngi na u Lalramzoma Nampui, u Priceless Darnei, u Moia Ngirsim wa na u Ruaiia Darnei.

Neiliang ka chnong Saipung da ujor ko leh da ka FIR pyrchah ya u Rollingson heiyatoh wa ini wei da dawa leh wow kem wei wow pynchitom ya ki khlem pait ya i emyatoh ki wa kiwon kiwon ki Montri namo ka Party.