15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Hiar dor i burom akor

Advertisement ad1
Advertisement ad1
Advertisement ad1

Da u- Shimphang Lyngdoh

Aa ki ru ki khynnah skur katni!
Sep-ai wa sikai Moral,
Wom tip de kammon u man,
Ha Social Media da post dur chan.

Advertisement ad1

Wym sarom de kiru ya ka bei u pa,
Kamjooh wa ya ki payu para;
Wym salia ki u bynda wot da ka niam,
Tang wow yoh kiru u ya kdup ya piam.

Cheiwon kattu i burom akor?
Hakhmat ki khon ka bei u pa wym em dor,
Sep-ai hi-eh wa pynheh pynsan;
Ka mynried yong ki tip kammon u man?

Na yung u mih u lithooh yei stat,
Neibynta ki khon ka bei u pa wa thooh laad;
Yow pyndap pynkot yei emkaam yong ki,
Yow suk ka pateiñ mynstep mankawi.

I rta dang khian i por wym pu toh,
Mar kawi ka Smartphone kiru da ksoh;
Yow pynemkaam hok næ pynemkaam bakla,
Manda chem chitom daw ong phi Aa bei Aa pa.

Na yung na sem da chaniah tylli,
Kat wym pu yoh u yoo yei kaam yong ki;
Hajrong pyndur kam kiwa em salon,
Napoh won leh ki katwa ngait wa mon.

Kynmoo mo khon hukum ka bei u pa,
Ya phi hi u suk waroh chirta;
Im tip-sngi ham thok ham chukor,
Ya boi u kit chidorjon ki lyngkor.

Share this:
Previous

Dawa ki soo seiñ wow pyndam noh ya u Director ka MePDCL

Next

Da tam 2 klur ngut kiwa da dep yoh COVID-19 ha India