Kiwa chong chnong ka chnong Nongsning, East Jaiñtia Hills District da pynsñiaw ki yei chrai wa da dooh bordiñ ki kattu da palat chi tayaaw wei ini da jia ma jia i mar ya poi i por lyiur ha kani ka thaaiñ waroh kawi nadooh na Nongsning, Umrasong wa Mynkre.
Da pyntip leh wym jooh em yoh bordiñ ki deiwa biang da ki tayaaw ki bnai nadooh wa sdang u poi bordiñ na Lumshnong Sub-Station wei katni kut wa hiar slap sih wot wei da em leh du uwi u Lineman uwa pait ya 11 tylli ki chnong u wym ye wow leh yeiwa emkaam neibynta ki paidbah.
Da pyntip wa i dawbah toh wa u SDO ka MeECL Moowakhu, Khliehriat wym jooh bna u ya kini ki bru wa chong chnong kani ka thaaiñ, kamtæ da kyrpaad ya ka sorkar wow kyrriah ya uni u bru yow phah da uwi won heithaw yong oo yow man ko i kyrkhu ya ki paidbah kani ka thaaiñ.
Ka khubor na u Iaidbha Suwer wa u M. Suja.
Discussion about this post