Ki tre thaw wa kiwa krep ka Shnongrim kiwa da chah ktah nei thmu u tih moochuni ha Lum Syrman, Elaka Nongkhlieh, da e khublei ki ya ka Khasi Students’ Union (KSU) yeiwa yieñ skem ka seiñ neibynta ki paidbah wa chong chnong kiwa da chah ktah nei wan ka Shree Cement.
Da pynsñiaw ki leh yei pdiang yeiwa thung ka sorkar da ka Fact-Finding Committee heiyatoh wa iwa jia wei yei rukom pynman ya ka Public Hearing, kamjooh yei phah ka sorkar wow sangeh chwa iwon iwon i kreh ka Shree Cement.
Da ong ki leh wa ki kam ki tre thaw ha Lum Syrman kat wym pu ye wow pynbiat yei eh i khoo ki kam ki tre thaw ymtoh u chah u kreh iwon iwon ka Shree Cement. Wei nadooh wa sdang i dawa ki leh toh wow pynbait chwa yei mantre yei thaw kamjooh yow ya pynbiat yeiwa sñiawthooh bakla yow lait u em i kajia mynried won.
Da beiñ leh yei pynngat kyndon aiñ ya kiwa yahkhmat ka KSU du neidaw wa em ki kattu katni kiwa chim kabu heipor wa pynman Rally ha Shillong.
Kamtæ da dawa wa ka Fact-Finding Committee u leh ko yei takit wa khooid wa kawa khlem leh chiliang.
Discussion about this post