Ka District Level Science Seminar da pynman da ka District School Education Officer, West Jaiñtia Hills ynne ha District Library Auditorium, Mynthong, Jowai hajrong ka phang wa ong, “Indian Energy Basket 2047: Prospect & Challenges” da ka thong wow wanrah yei rukom pyrkhat deiwa em i sap Science, deiwa tip u tih bniah wei yow pyrkhat yillu ki khon khynroo khyllood kiwa lai skur.
Ha kani ka Seminar da wan wow chimbynta da ki 10 tylli ki skur kiwa da wanrah ya jar jiar ki buit ki budia wa i chemphang hajrong kiwa boon ki jait kiwa yatoh wa ka phang pyrdi kani ka Seminar.
Neiliang ka District School Education Officer, ka Dr. Wa-i-sa Sumer, hawa e khublei ya waroh ki khynnah skur wa chimbynta, da khana ko leh ya ka thong ka Viksit Bharat 2047.
Ha kani ka sngi, ka Ewanmisa Suting na H K Singh Memorial Secondary School, Jowai da yoh nyngkong ko ha kani ka District Level Science Seminar, hei wa ar da yoh u Rehan Rymbai na QC Springside Higher Secondary School katwa ka Iarika Gashnga na Jawaharlal Nehru Memorial Secondary School, Lamin da yoh wa le ko.
Discussion about this post