Kiwa boon ki seiñ wa kiwa kyrchaan wow yoh noh da ka jylla Garo namo ka Garoland da pynman ki ya i lai paidbah namo ka Rally ha Williamnagar klawa man ka District Headquarter ka East Garo Hills ynnin ka sngi heiwa da dawa ki ya ki MLA wow wanrah ya ka rai hapoh yung dorbar namo ka Assembly wow phiah ya ka jylla Meghalaya.
Uwa yahkhmat yong ka Garoland State Movement Committee, u Nikman Ch Marak uwa da yahkhmat ya kani ka lai paidbah da ong u wa da chim ya ka rai wa ka Yung Dorbar Chna Aiñ ka jylla u chim ki ya ka rai namo ka Resolution wow phiah ya kani ka jylla Meghalaya.
U Nikman da ong u leh wa i kyrchaan ya ka Garoland toh iwa ha kylleiñ ka Ri-loom Garo heiwa da chimbynta da ki Nokma, ki waheh chnong, ki seiñbhalang wa kiwi.
Ha kani ka Rally da lai paidbah ha kylleiñ ki thaw wa emkaam ka Williamnagar deiwa kbai ya i dawa ya ka Garoland.
