Dawa pyllait ka JHADC naka CAA hei pyrtuid ka jylla ym toh du hei pyrtuid ka Sixth Schedule

Jowai: U CEM ka JHADC u Thombor Shiwat hawa yaklam wa ki laad pathai khubor ynne ka sngi da pynsñiaw u wa kam ka Council leh pyrchah ki yaka Citizenship (Amendment) Act, 2019.

Da ong u leh wa neiliang yong oo kwah u wow pyntip cha ka sorkar wa cha u Lat ka jylla wow pynyoh noh yaka mynjur yaka Ordinance ka MRSSA kawa kamwa sñiawthooh ki kawa ye u yada wei wow yarap yaka jylla Meghalaya wei da kyrchaan ki leh yaka sorkar wa ki seiñbhalang wow wanrah yaka ILP handlada daw em ko yei ktah yei wan kiwa uiñke suwari tangwa bar yow man ko kawa thylli emkaam wow pynkrehkaam yaka ILP hapoh ka jylla.

Heiyatoh wa i krehkaam ka JHADC won da ong u wa da em ki ka aiñ heiyatoh wa i synchaar chnong, ki Dolloi wa da tipmit daka sorkar wei da dep pyntip ka Executive Committee cha waroh ki waheh chnong hapoh u pood u ang wa Council wow man ki kiwa bniah bha ya kiwa na baar jylla khamtam kiwa na baar ri wow pyntip wut wut cha u Dolloi yow ye u leh ya iwa emkaam pyrchah ya kini ki bru.

Neiliang u WG Sungoh, EM uwa pait yaka kahyi pateiñ da ong u wa hanlada da pyllait yaka CAA na ki thaw wa em hapoh ka Sixth Schedule wei ki District Council ym em bor ki wow chna aiñ pyrchah ya ki aiñ sorkar pyrdi wa ki aiñ ka sorkar jylla neidaw wa kiwon kiwon ki aiñ wa tyngkhooh wa ki aiñ ka sorkar jylla waka sorkar jylla daw yap ka aiñ ka Council kamtæ da dawa naka sorkar jylla yow pyllait yaka jylla waroh kawi naka aiñ CAA neibhah em ki thaw kam ha Shillong kiwa ym em haap hapoh ka Sixth Schedule. Neibhah ka Sixth Schedule toh wow yada yaka dustur riti ka jaitbru tangwa lada kani ka aiñ e laad ko ya kiwi ki bru wa na baar, da booh ko yei maa deiwa e nongmuna wa pyndooh ka sorkar pyrdi yaka Article 370 ha Jammu & Kashmir wei deiwa pynkrehkaam yaka CAA ye wow pyndooh leh yei bor ka Sixth Schedule wei neitæ i daw da dawa wow pyllait lut yaka jylla Meghalaya waroh kawi na kani ka aiñ ym toh ya du ki thaw wa em hapoh ka Sixth Schedule.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang won u Lasky Rymbai, Deputy CEM da ong u wa ka MRSSA wa boon ki paidbah ym pu tip bha ki chaphang yong ka kawa man kat i jooh i kyrdan waka ILP wei man ko leh kam kawi na ki tiar yaleh pyrchah nei wan psiah pyrchah yaka aiñ chapoh ka jylla wei lada ym yoh na u Lat yaka mynjur ya kani ka aiñ daw booh ko yei maa ya ka jaitbru wei da kyrpaad u yaka sorkar wow ban joor ha u Lat yei emkaam wow yoh noh yaka mynjur wei kamjooh yaka ILP yow em ka yakrehlang wei da kyrpaad u leh naka sorkar pyrdi wow e ko yaka ILP.