August 26, 2020
Ka HYC NEHU Unit da pyrchah ko ya i rai ka Academic Council wei da dawa ko wow pynsangeh yei thmu wow pynman Exam katwa dang joor ka Khlam COVID-19 kawa da ktah ya ka jylla wa ka ri waroh kawi.
Ka seiñ da ong ko wa ini i thmu ym chngaaiñ i yei chait i khiah ki khynnah kiwa haap lai thoh Exam.
Da pynrap ko leh deiwa ong wa i thmu wow pynman ya ka Online Exam khanglaad ko ya kiwa ym johbor wa kiwa chah ktah bha ha kani ka khlam wei daw wanrah ko yei sñiaw yaphær hapyrdi ki khynnah wei ini daw man i kam i bih ha i puræ puthi puthi.
Chooh chooh ka seiñ da beiñ ko ya ini i rai wa khlem pyrkhat yillu wei khlem chim yumut na ki khynnah kiwa em cha palat sor.
Kamtæ da dawa wow pyndam chwa yeini i thmu deiwa kyrpaad leh ya u Vice Chancellor wow kyrriah por chwa ya ka Exam neibhah i esikai hadooh katni dang em iwa dang sah na ka Syllabus.
