U montri rangbah warim ka Assam u Tarun Gogoi da pynbna u lyngba u Twitter wa da yoh u ya u khñiang COVID-19.
Ya ini da pynbna u ynne ka sngi deiwa ong wa da yoh u ya uni u khñiang iwa da pyntikna ynnin ka sngi hadien wa dep leh yaka Test.
Da kyntu u ya kiwa yahcem wa oo ha kini ki sngi wow phah Test smat ki.
U Gogoi nalor wa man u kam u montri rangbah ka Assam nadooh u snem 2001 hadooh 2016, da jooh man u leh kam u MP ka Lok Sabha.
Kam wow kdaw heini wa kiwa da yoh COVID-19 ha Assam hadooh ynnin ka 25 tarik da em ki 94592 ngut.