Dawa pyndam ki ar seiñ ya ka Ynniawmer Weighbridge

Shillong: Ka Meghalaya Peoples’ United Front (MPUF)-Laskein Circle wa ka Hynniewtrep Student Union (HSU) West Jaiñtia Hills da dawa ki na ka sorkar jylla wow pyndam noh ya ka 7^th Mile Weighbridge wa em ha Ynniawmer, WJH.

Hawa yaklam wa kiwa pathai khubor ynne ka sngi u president ka MPUF-LC, u Hamwar Bhoi da ong u wa i em kani ka Weighbridge hapyrdi ka District da wanrah ko ya i chitom ya ki paidbah wa haap u lai luti na ka tai ka thaw.

Da ong u leh da wanrah ko i sahkut ki kari dei langær iwa da ktah joor ya ki khynnah skur wym poi ki cha ka thaw puræ yong ki heipor wa biang.

U president ka MPUF-LC da ong u “Ka Weighbridge ymtoh u em ko cha pyrdi ka chnong, ka district ka jylla, toh u em ko cha khappood ki thaw wa psiah wa mih ka jylla.”

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U Bhoi da pyntip u leh wa ha u bnai wa da dep neiliang ki ar seiñ da lai booh dorkhat ki hakhmat u Montri ka tnat Transport u HDR Lyngdoh wow dawa u pyndam noh ya kani ka Weighbridge.

Hei sakhiat ka Weighbridge wa em ha Ynniawmer toh u pynyoh nong ko ya ka sorkar tangwa neiliang ki ar seiñ da ong ki wa ym em yumut u em ko neibhah da em ka Weighbridge ha Byrnihat, Ri-Bhoi District wa ha Umtyra, East Jaiñtia Hills District kawa jan dooh wa ki karkhana khyndawbilat (Cement Factory).

Da kynthah ki leh ya u Public Information Officer katai ka tnat, u P.M. Sangma uwa ym ye u jubab ya ka RTI ki seiñ wei daw ujor noh ki cha u First Appellate Authority uwa man leh u Commissioner ka tnat Transport wow hukum ya u PIO wow jubab chaphang kani ka Weighbridge.

U HDR won ynne ka sngi heipor wa yaklam u wa kiwa pathai khubor ha Jowai da ong u wa ka Weighbridge wa em ha Ynniawmer ym ye ko u pynbor ya ki paidbah u thaw khia ha ka neibhah da em ka Weighbridge ha Umtyra wa ki Enforcement kamjooh ha Byrnihat wei ki Enforcement wa em ha Ynniawmer toh wa phah da ka yungbichaar wow pait yei rukom kreh kani ka Weighbridge wei ya ka License yong ka leh ympu em u pynthymme (renew) ya ka.

Heijooh i por leh ong u wa kiwa kwah u thaw khia ha ka ye ki u phah thaw biang heiwa ye leh u chem ya kiwa kit palatpood, neibhah ye ki u thap mar biang hadien wa dep thaw khia ki na kiwi tawon ki Weighbridge kiwa em hapoh ka jylla.