Dawa pynsangeh ka BJP Jaiñtia Hills yaka tamasa Meghalayan Age

Ka BJP Jaiñtia Hills District da kyntu ko yaka sorkar MDA wow pynsangeh noh ya ka tamasa Meghalayan Age ka wow pynman nadooh ka 7 hadooh ka 15 tarik uni u bnai ha Lad Mukhla, West Jaiñtia Hills neibhah wa joor i poor u khñiang COVID-19 ha kini ki sngi ha kylleiñ ka pyrthai.

Kamtæ hajrong ini, neiliang ka Party da kyntu ko yaka sorkar wow pynsangeh noh ya kani ka tamasa neibhah wot u Prime Minister yong ka ri India leh da kyntu u ya ki paidbah wow kiar na ki yalang paidbah wot yaka lehkmen Holi kawa chimbynta da kiwa boon hapoh ka ri, u Prime Minister da kyntu u ya ki paidbah wow yada pyn ya ki hi neibhah wa sñiaw kordor u yei mynsien bru wa ya i chait i khiah.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Na ini i daw neiliang ka Party da kyntu ko ya ka sorkar wow sangeh noh ya kani ka tamasa neibhah i chait i khiah wa i mynsien bru man ko kawa kor bar ya kani ka tamsa, wei da kyntu ki leh ya ki paidbah ka jylla wa lada jia wa ka sorkar pynman bait ko ya kani ka tamasa ym toh wow lai chimbynta khnang wa yoh wa em ki bru wa em ya uni u khñiang u bi u cha i.

I pyntip na u Dawan Lyngdoh, u MDC ka BJP ha JHADC.