Jowai : U ma Marki Mulieh MDC yong ka Jowai North da pynsniaw u yei pyrchah joor yong oo hajrong i jied nongkreh kawa tip kam ka Oral Examination-cum-Interview da ka District Selection Board ka JHADC nei bynta i kaam Law Officer & Assistant law Officer hapoh JHADC kawa thmu u pynman ha ka 12 Thohlakhmi 2016 hajrong ki kyndon wa ka EC da tynkheiñ ko ya ki kyndon krehkaam yong ka Service Rule ka JHADC kawa yatoh wa ki Grade-1 officer .
U ma Mulieh da ong u leh wa katkam ka Chapter-111 yong ka Service Rule ka EC da toh u khut chwa ko da ka Written Examination nei bynta waroh ar tylli kitai ki post kiwa toh yong ki kyrdan Grade-1 Officer.
Katkam wa mih ha ki chithi ‘Call letter’ wa da phah cha kiwa yaleh ya kini ki kaam da chem waka EC lyngba ka EC ka District Selection Board ka JHADC da khut syndon ko da ka Oral Examination-cum-Interview khlem da pyndep chwa ya ka Written Examination .
Da ong u ma Mulieh wa ini i khut syndet ya ka Oral Interview pynyoo wa em iyi iyi wa murieh ka JHADC yow yoh u pynpsiah ya ki bru yong ki donhi neibhah ya u Chairman ka District Selection Board da khlieh da u CEM ka JHADC deilang wa ar ngut ki dkhot ka EC.
Da ong u ma Mulieh wa ye u man wa ini i khut ya ka Oral Examination-Cum-Interview toh yow pynjrong chooh ya ki contract yong u Law Officer ka wa da kut noh nadooh ka 05-02-16 wa ye
biang u pynthymme ya ka contract u sa 6 bnai. Ya katai ka kyrdan (post) da dep advertise nadooh 05-02-16.
Da pynkut u ma Marki deiwa ong wa ini i leh ka EC JHADC pyndooh mynsien ko ya ki kynroo khyllood wa wan yaleh ya katai ka kyrdan.
Discussion about this post