15 49.0138 8.38624 1 1 4000 1 https://wyrta.com 300 0

Dawa tuklar ka KSU na u montri ka chait ka khiah ka sorkar pyrdi yow pynbait yei kynrum kynram ha NEIGHRIHMS

0 Comments

Jowai: Ka Khasi Students’ Union (KSU) da thoh ko cha u Dr. Harsh Vardhan Union Minister Ministry of Health & Family Welfare yow tuklar u ha NEIGHRIHMS ya ki kynrum kynram deiwa pynbaad ya u Dr. D.M. Thappa uwa man kam u Director kani ka thaw sumaar ya ini waroh.

Haka chithi cha u montri ka ri, ka KSU da ong ko nadooh wa man u Dr. Thappa kam u Director da mih ki jait pa ki jait ki kaam kiwa pynhiar dor ya kani ka thaw sumaar heiwa yaka chnat Neurology waka chnat Medicine da pynman yaki kam ka wi, ka Urology waka Surgical Oncology da pynyabi waka General Surgery iwa ka seiñ sñiaw ko wa ym emkaam u leh kam ha kani ka thaw sumaar neibhah emkaam ki u leh yei kaam yong ki jar jiar.

Advertisement ad1

Ka seiñ da ong ko leh wa da dooh yei tipmit yaki Post Graduate Course kiwa puræ General Surgery wa Anaesthesiology naka Medical Council of India (MCI) iwa da ktah ya kiwa lai puræ kiwa ym yoh kreh ha ki chnat sorkar neidaw wa jia ini.

Hawa pynbna lait kreh ha kani ka thaw tangwa ym em pynbna ya kiyi wa yoh kreh iwa ktah ya kiyi wa ye u yoh kreh.

Ya ki Doctor ym pynbiang thaw saw wei chah lehbeiñ wei boon ki por ym pynyinsur ya i por wa ye ki u kreh ha kani ka thaw hadooh wa boon ki Doctor da ieh ki ya ki kaam yong ki iwa da ktah ya kani ka thaw sumaar.

Ini wa da dep da em i ya awri hapyrdi u Director wa u khlieh ka Cardiology Department u Dr. Animesh Mishra hadooh wa sangeh i krehkaam kani ka chnat iwa da wanrah leh yei dooh ya i ar tylli ki mynsien.

Kamtæ ka KSU da kyntu ko ya u montri wow chimkhia ya kani ka kaam ym lait chooh u jia kiwon kiwon ki jia wa sñiawsih wei wow su bait lutsan cha kiwa ha yung ha sem ki ar ngut kiwa da khlaad.

Advertisement ad1
Advertisement ad1

0 Comments

Leave a Reply