• About Us
  • Contact Us
  • Privacy Policy
  • Advertise With Us
  • Terms & Conditions
Sunday, July 6, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Dawa tympra ki 5 chnong yaka Police Outpost ka Assam ha Saba, mynstep u hiar lai pait ki bor District

Wyrta Staff by Wyrta Staff
April 28, 2021
Reading Time: 5 mins read
A A
0
Share on FacebookShare on Twitter

Ka San Chnong Development Organisation wa kynthup yaka chnong Barato, Mukroh, Saba, Maitdeiñ wa Longkynshur ynne ka sngi da lai yachem ki wa u Deputy Commissioner ka West Jaiñtia Hills District, wei da dawa leh wow tympra yaka Border Police Outpost yong ka sorkar Assam (West Karbi Anglong District) kawa da chna haka chnong Saba, deiwa ong wa kani ka thaw dang haap ko hapoh u pood u ang ka Meghalaya.

Kiwa yahkhmat yong kitai ki 5 chnong hawa klam cha kiwa thoh khubor ong ki wa nadooh ka sngi wa thombor ki paaid ka Umkhermi yaki dkhot ka UHM kiwa thmu du kat u lai pait donhi ya i chna pyrchah ka aiñ ka Assam, katni wym ym em de chngaaiñ ki u lai u wan ne lai bri ha katai ka thaaiñ neidaw i chah kdong haki bru wa pynthut yei chongsuk chong chngaaiñ ka thaaiñ. 

Ong haroh ki wa i yoh laad ka Assam wow chna yaka Border Police Outpost ha katai ka thaw daw booh ko hei maa yaki paaid Pnar kamjooh ka mynried, neibhah i chah pyndik ki bru haki thaaiñ khappood jia ki nei por chei por. 

Chooh chooh ong ki wa katai ka Outpost wa chna da ka sorkar Assam pynartatieñ haroh ko wa ye u em iyi re iyi cha kylla neibhah wa katai ka thaw wym em jngai ko naka Outpost ka Assam kawa em ha Mukoilum kawa du kamwa 3 ne 4 kilometer.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamtæ da kyrpaad joor ki yaka sorkar wow chimkhia ko u pynbait smat yow pood u ang, najrong wow smat booh leh yaka Border Police Outpost ha chnong Mukroh lane Saba khnang yow chngaaiñ i lai i wan ki paidbah.

Da ong ki wa lada neh kamni daw poi i por wa ka Assam u kam lut ko yaki thaw ka Meghalaya wei kiwa chong chnong daw kylla palat chnong ki hei thaw yong ki hi.

Da pynrap haroh wa i chna ya katai ka Outpost man kawa smat bha wei dang pteiñ i leh hadooh katni, najrong wa katni nadooh wa jia i chah thombor ki dkhot ka UHM, ka Assam da booh haroh ko sa kiwa yang sonteri neibynta ki wakreh ya katai ka yung krehkaam.

Neiliang u MDC ka 12-Barato Mukroh Constituency u A. Shadap da beiñ joor u yei wym burom ka Assam yei yasoi hapyrdi ki ar DC yong ki ar jylla itæ toh wow ya pyntip kylliang hachwa wow chna ya iyi iyi næ hawa wanrah yei roi i paar.

Hajrong ini da ban joor u wa ka sorkar jylla toh u chim noh ko da ka luti wa rap khor neibhah waka Assam ym em kheiñ ko, lym kamtæ ym ye u tip sa katwon ngut ki mynsien bru wow dooh du neidaw u pood u ang.

Khana ki wa hei lai yachem yong ki wa u DC da kular u wow chimkhia wei ki bor District leh u hiar lai pait ki ya katai ka thaw mynstep ka sngi.

Heini i lai yachem da emlang u waheh chnong ka Saba u Andreas Suchiang, u President ka San Chnong Development Organization u Hamboide Sumer, u Secretary u Daiehnoh Timung, u Waheh Chnong Maitdeiñ u Daarphi Sariang, u Waheh Chnong Ïongkynshur u Marwos Suchiang, u Waheh Chnong Barato u Nihun Sten wa kiwi deilang wa u MDC ka thaaiñ u A. Shadap.

ShareTweetSendShare
Previous Post

Khuslai kiwa mylla sngi yei khang ka sorkar 10 sngi ya kiwa boon ki kaam

Next Post

159 ngut kiwa yoh, 138 ngut kiwa chait wa sa 2 ngut kiwa yap na u COVID-19 ha Meghalaya

Related Posts

Politics

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025
Politics

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025
Politics

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025
Politics

Kyntait ka Agatha Sangma wow man ka kyrtong MP cha Rajya Sabha

May 29, 2025
Next Post

159 ngut kiwa yoh, 138 ngut kiwa chait wa sa 2 ngut kiwa yap na u COVID-19 ha Meghalaya

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar