theme-sticky-logo-alt
theme-logo-alt
Advertisement ad1
Advertisement ad1

Dawa u Mayralborn wow khana che lada daw yoh ILP, dang sahkut waka MHA, jubab u Conrad

Advertisement ad1

U Montri Rangbah ka jylla, u Conrad K Sangma da ong u wa ka sorkar jylla dang yang ko yei jubab na ka sorkar pyrdi hajrong ka rai namo ka Resolution wa da chim da ka Yung Dorbar Chna Aiñ yong ka jylla hajrong i pynkrehkaam ya ka Inner Line Permit (ILP).

Hawa wanrah ya ka yatai ha ka ‘Zero Hour’, u Mayralborn Syiem uwa man u MLA wa da chah beh (Suspend) ka Congress da ong u wa i dawa wow pynkrehkaam ya ka ILP ha ka jylla ym toh de kawa dang thymme wei ka Dorbar Chna Aiñ leh da rai ko wow dawa pynkrehkaam ya ka ILP katkam ka Bengal Eastern Frontier Regulations, 1873.

Advertisement ad1
Advertisement ad1

Da ong u wa i wanrah ya kani ka phang toh wa ka sorkar u chimkhia ko ileh wa ym pynkrehkaam ya ka ILP hadooh katni wei da pynrap wa ka sorkar toh u pynsmat ko wow pynyoh ya ka ILP kamwa da dep wow mynjur ya ka rai hapoh ka Yung Dorbar Chna Aiñ. Da booh yukylli leh iyi wa pynman ya ka sorkar India wow pynslem ya ka ILP, iyi i daw wym e de ya ka ILP, lane em da kiwi kiwa pynmih daw wym e ya ka ILP, wei da kyntu leh wa ka sorkar India u e noh ko ya ka ILP lane wow yatai yei daw lada ym mut ko wow e.

Hawa jubab hajrong ini, u Conrad da ong u wa i dawa ya ka ILP da ka jylla Meghalaya dang sahkut hapoh ka Ministry of Home Affairs (MHA), na ini i daw daw hap yang ya i phah wa i mynjur ka Ministry.

U Montri Rangbah da ong u wa i dawa ya ka ILP da joor bha ha ka jylla hadien wa da wanrah ya ka Citizenship Amendment Act (CAA), heiwa da khana u leh wa kiwa boon ki seiñ wa ka sorkar jylla da pynsñiaw ki yei dawa ha u Union Home Minister, Amit Shah ha i por wa wan u cha nongbah Shillong ha ka 23-02-2021.

Hawa yatoh wa iwa kylli wa da wanrah da u Mayralborn, u Conrad da ong u wa neiliang ka sorkar da thoh, deiwa pynrap wa ka sorkar MDA da chimkhia bha ko ya kani ka kaam neibhah da wanrah ko ya ka Resolution hapoh yong ka yung dorbar ha ka 19-12-19.

Share this:
Previous

U pynthymme noh ya kiwa saam rachon wa kiwa dai phñiang charak ha West Jaiñtia Hills

Next

Super Division: Jop ka 7Wasa ya ka Nangbah Mulang