U MDC ka Congress na Mawhati, u Charles Marngar da ong wa ha oo samen ym pdiang de u ya ki kyndon yada COVID-19 næ ki SOP wa da booh da ka sorkar ha ki Balang næ ki thaw mane Blai wei toh u chong hei kwah i yong ki, deiwa pynsñiaw wa ki thaw mane Blai ym toh de wow kohngooh yei phah yong ka sorkar.
Ini i klam yong u Marngar toh hadien wa da sakhi yei pyn laitlan ka sorkar ya ki yalang paidbah, la ha ki rynsan yalap Election, ha yaw ha haat wei kamjooh ha ki yalang ka sorkar kamwa da man ha Mairang ynnin ka sngi, tangwa ka sorkar da booh kyndon wa rkhiñ won ha ki yungmane wa ki thaw mane Blai.
Da ong u wa ini i leh yong ka sorkar da pynyoo yei leh chiliang khmat wei da kyrpaad u ya ka sorkar wa toh u pyndam chi syndon ya kitæ ki kyndon næ ki Standard Operating Procedures (SOPs), neibhah ka sorkar da leh ko katwa ngait.
