Shillong: U MLA ka UDP na Mowkaiaw, u Nujorki Sungoh da ong u wa em hadooh 55 sien ki jia kajia khappood hapyrdi ka Meghalaya wa Assam ha West Jaiñtia Hills District, wei da kyntu u yaka sorkar wow pynbiang kawi ka kari neibynta ki pulit kiwa booh ya ka ktem wow sah ki chipor ha Block-I, Sahsniang. Ya ini da ong u hawa klam chimbynta ynne ka sngi ha yung dorbar.
Katkam i ong u Nujor, da em 24 ngut ki pulit kiwa sonteri yaka Sahsniang, tangwa ym em kawi ka kari leh, wei lada em iwon iwon i jia wa hap wow lai daka kari, da hap wow wan na Raliang Police Outpost, kawa jngai kamwa 15 Km na i thaw sah ki pulit.
Ha iwi i liang, u MLA ka Mowkaiaw da kyntu u leh yaka sorkar jylla wow tuklar waka sorkar na Assam wa ym toh u pynwit ya i kreh yong kawi ka Secondary School ha ka chnong Psiar, kawa haap ha i ya kajia, wa kani ka skur kawa thmu wow chna toh du katai ka Secondary School ha waroh kawi ka Block-I.
Hawa jubab ya ini, neiliang u Montri Rangbah, u Conrad K Sangma da kular u wa ka sorkar daw paitbniah ko yeini wa da pynsñiaw da u MLA khnang wa ki paidbah ka thaaiñ ym chem ki yei eh.
Discussion about this post