15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Sa 22 ngut wa yoh COVID-19 ha Assam, waroh kiwa chah ktah da poi ki 210 ngut

0 Comments

U montri i chait i khiah ka jylla Assam u Himanta Biswa Sarma nadooh 9 waje i step ka 21 tarik hadooh 10 waje i miet da pynbna u san sien wa da em waroh sa 22 ngut kiwa yoh COVID-19 ha Assam.

Nyngkong da pynbna u wa da em uwi wa yoh COVID-19 wa da pyntikna daka Barpeta Medical College kawa da leh yaka Test wei uni toh uwa na Kokrajhar Quarantine.

Hadien uni da em sa 2 ngut kiwa na Kokrajhar Quarantine Center kiwa da pyntikna kiwa yoh COVID-19

Da em won sa 8 ngut kiwa yoh wa kynthup ya 3 ngut na Kokrajhar, 2 ngut na Sivasagar, 2 ngut na Dhubri wa 1 na Dibrugarh.

Na Sarusajai Quarantine Centre da em biang sa 4 ngut kiwa yoh COVID-19; 2 ngut kiwa na West Karbi Anglong wa mar uwi na Darrang wa Udalguri.

7 ngut won toh kiwa na Zonal Quarantine Centre ka Tezpur University heiwa 5 ngut toh kiwa na Sonitpur wa 2 ngut na Lakhimpur.

Da pyntip u leh wa ynne ka sngi da em 6 ngut kiwa chait kiwa da yoh mih Hospital hadien wa da dep Test yaki arsien wei pyn-ar sien da chem ym em de ki ya u COVID-19. Arngut toh kiwa chah sumaar ha MMCH katwa 4 ngut won toh kiwa chah sumaar ha SMCH.

Wa kini waroh kiwa chah ktah ha u COVID-19 ha Assam da poi ki 210 ngut, heiwa kiwa chait da em ki 54 ngut, kiwa dang em ya uni u khñiang da em ki 149 ngut, 4 ngut kiwa yap wa 3 ngut kiwa da mih napoh ka jylla.

Previous
Next

0 Comments

Leave a Reply