Dawa u Nujorki wow pyndam noh ya ka Personal Interview ya kiwa yaleh kreh Grade IV

U MLA ka Mowkaiaw, u Nujorki Sungoh, ynne hapoh ka yung dorbar chna aiñ da kylli u wa lada ka sorkar daw pyndam noh ko ya ka Personal Interview neibynta kiwa yalehkreh Grade IV.

U Montri Rangbah ka jylla u Conrad Sangma hawa e yei jubab da ong u wa kini kiwa yaleh kreh Grade IV toh lyngba ka District Selection Committee (DSC) wei hap ki wow yaleh ya ka Subject General Knowledge, wei ka Written Exam rah ko 50% ki Marks kamjooh leh ka Personal Interview leh 50%.

U Nujorki da ong u wa ini rukom jied ya kiwa yaleh kreh Grade IV toh iwa e laad bha yei leh chilliang wei da emkaam wow pyndam noh ya ka Personal Interview neibhah wot ka sorkar pyrdi leh da pyndam ko yeini nadooh u snem 2016 wei da em leh 23 tylli kiwi ki jylla wa da bood yeini.

U Conrad da ong u wa i booh yow pynman da ka Personal Interview toh yow tip kammon man kini kiwa yaleh kreh lada toh kiwa biang hei rukom klam, i tip wow pynyatoh wa kiwi wei yeini waroh dang pyrkhat kammon wow lai chakhmat da iwon wa biang dooh wow leh.

Da pyntip u leh wa ka sorkar India da dep ko wow thoh cha ka sorkar jylla ha u snem 2017 heiwa ha itu i por u Montri Rangbah da e jubab u wa ka sorkar ym kwah ko u pyndam ya ka Personal Interview.

U Nujorki da ong u wa em kiwa tipmit u kiwa da pyndep ya ka Graduation ym ye ki u lehbha ha ka Personal Interview katwa kiwa pyndep Class 8-10 won ye ki wow lehbha kamtæ da ong u wa kani ka Personal Interview e laad ko wow em itæ i leh chiliang wei emkaam wow man ini i yaleh kreh iwa khooid.

U Conrad da pynche u wa ka Interview hi e laad ko wow jied uwon uwa biang dooh wow yoh kreh neibhah du deiwa pait ya ka kyrdan wa pyndep yei puræ toh i wym biang neibhah ye u wan da u PhD wow chim ya ini i kreh.

Related posts

Hiar chuki u Nitish Kumar kam u CM ka Bihar hadien wa ksoh ya ka chuki 10 sien

March 30, 2026

Ym pu em e jubab ka JHADC lada daw pdiang yei tyrwa wow su noh da ka sorkar ya ka tulop

October 30, 2025

Chooh chooh da ong u wa ha kini ki kreh kam ki Peon, Cleaner, Chowkidar wa kiwi kam kini toh u pyndep ki ya ka Class-6 donhi wei ym ye wow ong wa kiwa pyndep ya ka Graduate toh kiwa biang wow leh ya kini ki kaam.

Hanla kattæ leh da ong u wa daw pyrkhat neibhah em hi i myntoi lada pyndam ya ka Interview wei em hi leh i myntoi manda pynman ya ka Interview wei ka sorkar daw pait bniah ko yeini waroh chwa u chim yei rai.