Dawa u Sanbor wow pynchna thymme noh ya ka Red Cross Hospital Laban kawa man leh ka thaw wa kha ya oo

Ka BJP Meghalaya hei yahkhmat u Sanbor Shullai, MLA wa u State President, u Rikman Momin da yachem ki wa u Montri ka sorkar pyrdi wa pait ya ka Minority Affairs, u Kiren Rijiju yow tyrwa u pynku kyrdan ya ka Red Cross Hospital, Laban yow pynkylla noh ya ka yung dieñ (Assam Type) wa katni deiwa pynchna thymme da kiwa yatoh wa ka juk wa katni.

U Sanbor Shullai da ong u wa ka Red Cross Hospital kawa em hapoh ka South Shillong Constituency toh kawa da emkaam bha wow pynku kyrdan ka neibhah em da ki hajar tylli ki manyung wa dooh wa duk namo ki BPL Families kiwa chaniah ha kani ka thaw sumaar wei da emkaam wow pynbha pynmiat ka.

Da khana u leh wa kani toh ka Hospital wa da kha ya oo wei to u man ko kam kawi na kiwa miat dooh ka thaw kha khon namo ka Maternity Hospital ha Shillong.

U MLA da pyntip u wa neiliang u Rijiju da pynyoo u yei em i kwah wow pynchna ya kani ka Hospital wei ya ka Detailed Project Report daw phah cha ka chnat Minority Affairs hadien ka Election.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka BJP daw lai yachem ko leh ya u Montri Rangbah, u Conrad Sangma yow kyrpaad ya oo wow phah ya ka Proposal cha ka Minority Affairs yow leh smat yei kaam. U Sanbor da ong u wa kani toh ka kular yong oo yow pynklla dur ya kani ka Hospital ha kani hi wot ka por wa man MLA u kattæ. 

Da ban joor u leh wa oo kam u MLA pynyoo u chiboon dei kaam ymtoh dei ktien.