Dei ktien English dang mih ileh won i ktien Pnar ym yoh bynta i ha ka State Anthem ka Meghalaya?: JNC

Ka Jaiñtia National Council JNC-Western Zone ha i kyrwoh wa phah na u Hamehi Bamon, Vice President JNC- Western Zone da dap ko dei chrai heiyatoh wa i pynmih paidbah ka sorkar jylla yaka Meghalaya State Anthem ynnin ka sngi da u Montri Rangbah ka jylla u Conrad Sangma, heiwa da yoo wa em da i ktien Khasi, Garo wa English. Ka seiñ da ong wa ini toh i wym sñiaw ye u pdiang la kammon kammon leh khlem da em i ktien Pnar ha ini i rwai ka jylla.

Da pynkynmoo yaka sorkar wa yaka Meghalaya toh ka jylla wa em ki le jaitbru ri-loom kitæ ki Khasi, ki Jaiñtia wa ki Garo nadooh wa da phiah napoh ka Assam ha u 1972 wei da em leh dei thoh wa ka Meghalaya em ko 3 tylli ki jaitbru ri-loom wa boon paaid kitæ toh ki Khasi, Jaiñtia wa ki Garo tangwa ini i wym burom ka sorkar yaka Ri-loom Jaiñtia kawa da em chwa i yong ka hi i ktien pynyoo ko cha waroh wa kani ka sorkar hapoh i yahkhmat u Conrad Sangma da yoobeiñ wei da yoohroit ko leh ya i hok kiwa na Jaiñtia wei neiliang yong ka seiñ leh ym sñiaw ye ko wow pdiang ya ini i leh ka sorkar.

Iyi emkaam wow pynmih yaka Sate Anthem kawa em deilang wa i ktien English wei da ieh yeiwa da em chwa? kylli ka JNC.

Ka Jaiñtia hills Autonomous District Council JHADC ha u snem 2021 da dep mynjur ko wow tipmit noh yei dak Pnar neibynta ka Ri-loom Jaiñtia tangwa kattæ kani ka sorkar da pynyoo ko yei wym burom yei rai ka JHADC wei yeini leh da yoo chynna wa em iyi re iyi cha wym yoh u yoo boi wa kwah ka sorkar leh wow pyndooh noh yaka Ri-loom Jaiñtia kawa da ri da sumaar nadooh i por warim da kiwa mihkhmat wa em hachwa.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Ka seiñ da dawa ko naka sorkar wow pynkylla næ pynmih noh chisiendon deilang wa i ktien Pnar lym kamtæ ym ye wow pdiang ya katæ ka State Anthem hapoh Ri-loom Jaiñtia iwa da pynlait paidbah.

Iwa pynsñiawsih chooh chooh ya kiwa na Jaiñtia toh ha i Video wa mih da pynyoo nadooh i riam tynre næ chaad tynre tangwa i yong kiwa na Jaiñtia ym em mih tang khajiak leh wei ini da pyndooh bor pyndooh mynsien ko ya kiwa na Jaiñtia wei ya ini ka sorkar hap ko u jubab wa iyi i daw da pyndooh bynta ya kiwa na Jaiñtia.

Ka JNC pynsñiaw ko leh yei sñiawsih heiyatoh wa kiwa mihkhmat ka Ri-loom Jaiñtia kiwa em 7 ngut ki MLA wa 30 ngut ki MDC kiwa da suki hi-eh lakam wa pdiang ki yeini.

Ka seiñ da ong ko leh wa hawa em 3 tylli ki jaitbru hap leh wow burom ymtoh u mylliñ hi-eh, ileh ka Ri-loom Jaiñtia ym em hok ko mo u yoh bynta?