Dei kur Siangshai kam kur uwi u dkhar wa pynpsiah Bangladeshi cha India | Beiñ ki soo kur

Ka Kur Phawa-Siangshai-Papiah, Lyngdoh Phawa, Ladrymbai Unit, East Jaiñtia Hills da dap ki dei sñiawkhia yei chim kur uwi u dkhar uwa tip kam u Arpon Deb deiwa ong u toh u jait Siangshai hadien wa mih khubor ha ka 20 tarik uni u bnai wa chah kem u.

U Arpon Deb toh uwa chong wa sah ha Ladrymbai, East Jaiñtia Hills wei da chah kem u ha ka VDP yong ka chnong Bakur, Dawki heiwa da e kti ya oo cha ki pulit hajrong ki kaam pyrchah aiñ wa da leh u deiwa pynpsiah tooh ya ki Bangladeshi cha India.

ADVERTISEMENT

Hei lai thooh bniah ka kur hei yahkhmat u Chairman, u Bhamon Phawa wa u Secretary, u Bitamax Siangshai, hadien wa u Arpon da lait u na ki pulit yow tip neiwon i yei tre uni u bru wei kammon da e jait u cha ka kur Siangshai, da chem wa i tre chnong u toh na Umrangso, 3 Kilo, Assam wei i kur u toh i yong Deb.

Heiyatoh wa ini, neiliang ka kur Phawa-Siangshai- Papiah, Lyngdoh Phawa, Ladrymbai Unit da beiñ joor ki wei heijooh i por da maham ya kiwa kam kur kam jait dei yong kiwi du wow pyndooh burom wei wow pynbood naam ya ki soo kur ka kur Phawa, Siangshai, Papiah wa Lyngdoh Phawa.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Neiliang ka kur da kyntu ko leh ya ki bor wa haneiñ wow pynchitom joor ya kam kini kiwa pyndooh burom ya ka kur ka jait, ya ka jaitbru wa ka jylla hi waroh kawi.