Yah kawi ka bru da ka kari ha luti rel hadooh wa hap pynsangeh ya ki Train 45 minit

Kawi ka kynthai da yah ko ya ka kari yong ka ka KIA Sonet ha luti rel nadooh i bynta ka Kondakal Railway Gate, Shankarpalli ha jylla Telangana ynne i step hadooh wa da pynthut yei lai wa i wan ki Train.

Katkam wa ong ki sahep ka chnat Railway, kani ka kynthai da yah ko ya ka kari ha luti rel hi wot nadooh na Shankarpalli cheiliang Hyderabad heiwa da pyrchang ki leh wow pynsangeh ka tangwa da pteiñ ko wow pynhær ya ka kari hadooh wa hap wow phah pynsangeh ya ki 10-15 tylli ki Train hadooh 45 minit.

ADVERTISEMENT

Da pyntip wa da chimpor hadooh chiteiñ kynta wow kdong yow pynsangeh ya kani ka kari wei wow kyrriah ka charood deiwa yarap hadooh 20 ngut ki bru yow ye u sai ka kani ka bru napoh kari heiwa da kbai bait ko pait iyi em ha kti ko.

Hadien wa pynsangeh ka, da phah wan ya ki pulit heiwa da chem wa kani ka bru toh kawa 34 snem i rta wei ye u man kawa muaid næ kawa chitom i bor pyrkhat kawa na Uttar Pradesh wei ye u man leh wa thmu ko wow pynkut yei mynsien deiwa ya tyrrah wa ka Train.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026