Jowai : Kam chibynta yong ka Systematic Voter’s Education & Electoral Participation (SVEEP) wa ka Special Summary of Electoral Rolls, ka Ophis u Deputy Commissioner (Election),West Jaintia District ynne da pynman u ya ka Kite Festival næ i pynher phok wa ka helicopter show næ i pynher ya ki lieñsuiñ khian ha madan Jrisalein. Ya kani da leh ynne ka sngi kam chibynta wow wanrah yei sñiawthooh hapyrdi ki nongthap boot wa kiwa da kynjoh 18-19 snem i rta wow pynpsiah pyrtuid ki kam ki nongthap boot.
Da pynkylla ya ka tarik Counselling ka class KG ha Pine Mount School
Shillong : Katkam ka khubor wa da pynlait da ka Principal, Pine Mount School, Shillong, da pyntip ko wa neidaw wa man ka 4 Khonchonglad 2045 kam ka sngi chuti neidaw wa em ka Chad Nongkrem ki khynnah watoh u wan cha ka KG Counselling ha Pine Mount School, Shillong da karriah ya ka cha ka 5 Khonchonglad, 2015 heijooh i por wa da booh.
Da pynlait ya u khoo Midday Meal
Jowai : U Deputy Commissioner (Supply) West Jaintia Hills District davpyntip u wa ya u khoo Midday Meal neibynta ki L.P School wa ki UP School hapoh ka Mid-Day Meal Scheme yong u Naiynniaw, Naisaphra wa u Naikhynde 2015 daw pynlait nadooh ka 2 Khonchonglad 2015 lyngba ki Fair Price Shop Dealers ha Jowai Sadar wei wow pynpoi ya oo mynkna. Neibynta ki khynnah yong ki L.P Schools u yoh ki 6.288 Kg samen wei 7.756 Kg samen ya ki khynnah U.P school. Ya ki permit u e hadooh 30 Khonchonglad 2015
Discussion about this post